1610-08-19.DE Duplessis

Reverende domine
Postremæ nostræ 6 augusti, tuis sexta iulii datis3 respondebant.
Exinde, Anhaldinus Iuliacum obsedit, Mauritius ei se cum exercitu belgico se coniunxit, et traiecta Mosella noster appetebat, mox affuturus. Deiectus, non sine clade, primis munitionibus, hostis *Spinola hactenus non comparet, ut his mensis finem et obsidioni et bello videatur impositurus. Quod cupiebat, regina cum rege Angliæ et belgicis ordinibus, fœdus arctissimum renovavit. Idem cum protestantibus haud dubie propediem factura. Non desint licet qui romana terriculamenta obijciant. Itaque non est iam quod Respublica veneta vereatur, ne ab eiusmodi societate hæresis ei imputetur, cuius regina princeps. Tantum via illi ineunda qua ab hoc nostra navi, ceu remulco, in idem fœdus trahatur. Et nos iam quorundam procerum animos paravimus, quorum auxilio et consilio, res in proclivi. Sabaudus a nobis non divellitur, qui pronus de affinitate, quod ante pepigerat ultro confirmavit.
Fulgentium Manfredum4 Romæ combustum audimus: causam scire desideramus, quia supplicium hæresim sapit. Quæ si in eo quod quæ pro Venetis scripsit revocare noluerit, id absque novo vulnere vix contigat. Hæc in præsens.
Vale in Christo, reverende pater.
Salmurii, 19 augusti 1610.